Лінкі ўнівэрсальнага доступу

Пуцін заявіў, што расейскі флёт хутка атрымае гіпэргукавую зброю


Уладзімір Пуцін, архіўнае фота

Міністэрства абароны Расеі 26 ліпеня заявіла, што хутка завершаць дзьве новыя сыстэмы ўзбраеньня для ваенна-марскога флёту. Сёньня ў Расеі адзначаюць Дзень ВМФ.

Гаворка ідзе пра гіпэргукавы ракетны комплекс «Цыркон» і ядзерныя бесьпілётныя падводныя апараты «Пасэйдон». Выпрабаваньні «Цырконаў» і «Пасэйдонаў» ужо правялі.

Заяўлена, што ракета «Цыркон» можа паражаць цэлі на далечыні больш за тысячу кілямэтраў з хуткасьцю ў 9 разоў большай за хуткасьць гуку.

«Унікальныя перавагі і павышэньне баявых магчымасьцяў флёту будуць дасягацца за кошт шырокага ўкараненьня перадавых лічбавых тэхналёгій, якія ня маюць аналягаў у сьвеце гіпэргукавых ударных комплексаў, бесьпілётных і падводных апаратаў, за кошт самых эфэктыўных сродкаў абароны», — прыводзіць цытату Пуціна Інтэрфакс.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG