Лінкі ўнівэрсальнага доступу

У Сэнаце ЗША ўхвалілі забарону на TikTok на ўрадавых прыладах


Камітэт у пытаньнях унутранай бясьпекі і ўрадавых справаў Сэнату ЗША прагаласаваў у сераду адзінагалосна за законапраект сэнатара-рэспубліканца Джоша Гоўлі, які забараняе фэдэральным службоўцам выкарыстоўваць праграму сацыяльнай сеткі TikTok на прыладах, якія выдаюцца ўрадам.

Цяпер законапраект будзе прыняты за разгляд у Сэнаце ЗША.

TikTok належыць кітайскай фірме ByteDance і сярод амэрыканскіх паліыткаў расла занепакоенасьць, што асабістая інфармацыя карыстальнікаў з ЗША можа трапіць у рукі ўрадавых службоўцаў у Пэкіне.

У адпаведнасьці з законам, прынятым у 2017 годзе, кітайскія кампаніі абавязаныя супрацоўнічаць з кітайскімі спэцслужбамі.

Раней на гэтым тыдні Палата прадстаўнікоў ЗША прагаласавала за тое, каб забараніць супрацоўнікам фэдэральных органаў усталёўваць праграму на прыладах, якія выдаюцца ўрадам, у рамках законапраекту аб абароннай палітыцы.

Пасьля прахаджэньня Палаты прадстаўнікоў і зацьвярджэньня ў сэнацкім камітэце, забарона неўзабаве можа стаць законам у ЗША.

Высокапастаўленыя чыноўнікі ў адміністрацыі Трампа таксама заявілі, што разглядаюць больш шырокую забарону TikTok і іншых праграмаў, зьвязаных з Кітаем, і што такая забарона можа быць прынятая неадкладна.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG