Лінкі ўнівэрсальнага доступу

У расейскім Хабараўску праходзіць ужо восьмая акцыя пратэсту супраць арышту мясцовага губэрнатара


Акцыя ў Хабараўску 18 ліпеня

18 ліпеня ў Хабараўску ды іншых гарадах Расеі праходзяць масавыя акцыі супраць арышту губэрнатара Хабараўскага краю Сяргея Фургала. Яго затрымалі 9 ліпеня і адвезьлі ў Маскву.

11 ліпеня прайшла першая акцыя пратэсту ў Хабараўску, якая сабрала некалькі дзясяткаў тысяч удзельнікаў.

У Хабараўску 18 ліпеня зноў сабраліся дзясяткі тысяч чалавек. Яны пратэстуюць супраць арышту губэрнатара краю Сяргея Фургала, якога вінавацяць у арганізацыі забойстваў прадпрымальнікаў 15 гадоў таму, паведамляе «Сибирь. Реалии».

Гэта ўжо восьмая акцыя пратэсту з арышту губэрнатара. Першая прайшла 11 ліпеня і сабрала ад 10 да 30 тысяч удзельнікаў і стала самай масавай за гісторыю Хабараўску. У акцыі па ацэнцы журналістаў прымаюць удзел некалькі дзясяткаў тысяч чалавек.

На знак падтрымкі акцыі праходзіць таксама ва Ўладзівастоку, дзе сабраліся некалькі сотняў чалавек і ў Камсамольску на Амуры.
У Хабараўску паліцыя суправаджае калёну мітынгоўцаў, але не перашкаджае акцыі. Людзі скандуюць «Свабоду Фургалу» і «Справядлівы суд».

За дзень да акцыі ФСБ Расеі абвясьціла аб тым, што ўдалося прадухіліць тэракт у Хабараўску і затрымаць чалавека, які зьбіраўся яго зьдзейсьніць.

Губэрнатара краю Сяргея Фургала затрымалі на два месяцы, усе абвінавачваньні ён адкідае.

Мясцовыя жыхары кажуць пра палітычныя матывы арышту Фургала. На выбарах у 2018 годзе Сяргей Фургал перамог кандыдата ад «Адзінай Расеі» Вячаслава Шпорта. Пры гэтым Сяргей Фургал усё яшчэ застаецца губэрнатарам.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG