Лінкі ўнівэрсальнага доступу

Назіральнікаў ад АБСЭ на выбарах у Беларусі ня будзе, бо іх не запрасілі


Дырэктар Бюро дэмакратычных інстытутаў і правоў чалавека (БДІПЧ) АБСЭ Інгіб’ёрг Соўлрун Гістлятоўхтыр паінфармавала МЗС Беларусі аб тым, што адсутнасьць запрашэньня не дазваляе БДІПЧ арганізаваць назіраньне за прэзыдэнцкімі выбарамі.

УЖЫВУЮ Выбары-2020. Як праходзіць прэзыдэнцкая кампанія падчас пандэміі

«Адсутнасьць своечасовага запрашэньня больш чым праз два месяцы пасьля абвяшчэньня выбараў не дазволіла БДІПЧ АБСЭ назіраць за ключавымі аспэктамі выбарчага працэсу», — сказала дырэктар БДІПЧ Інгіб’ёрг Соўлрун Гістлятоўхтыр. «Да іх адносяцца аспэкты, якія мы адзначалі ў нядаўніх справаздачах аб назіраньнях і якія патрабуюць паляпшэньня ў Беларусі. Гэта фармаваньне выбарчых камісій і рэгістрацыя кандыдатаў. Вынік гэтага працэсу паказаў, што ўлады не зрабілі ніякіх крокаў для паляпшэньня іх інклюзіўнасьці».

Пасьля пачатку пандэміі COVID-19, паводле Гістлятоўхтыр, БДІПЧ робіць усё магчымае для выкананьня свайго мандату назіраньня за выбарамі, правяло назіраньне ў некалькіх краінах, паколькі абмежаваньні на паездкі былі зьнятыя.

Дырэктарка падкрэсьліў, што адсутнасьць своечасовага запрашэньня ад Беларусі ў такой складанай сытуацыі сьведчыць пра адсутнасьць прыхільнасьці да супрацоўніцтва з назіральнай місіяй БДІПЧ, як гэта прадугледжана абавязаньнямі краінаў – сяброў АБСЭ.

Інгіб’ёрг Соўлрун Гістлятоўхтыр таксама паўтарыла сваю глыбокую занепакоенасьць паведамленьнямі пра тое, што патэнцыйныя кандыдаты былі запалоханыя, а актывісты апазыцыі арыштаваныя.

«Абарона асноўных свабод — сходаў і выказваньня думак — зьяўляецца папярэдняй умовай для сапраўды дэмакратычных выбараў», — сказала яна.

Дырэктарка БДІПЧ таксама заклікала улады Беларусі зрабіць канкрэтныя і неадкладныя захады для абароны асноўных свабод у краіне.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG