Лінкі ўнівэрсальнага доступу

У ЗША перадумалі дэпартаваць замежных студэнтаў, якія перайшлі на вучобу онлайн


Масачусацкі тэхналягічны інстытут
Масачусацкі тэхналягічны інстытут

Адміністрацыя Дональда Трампа адмовілася ад пляну, згодна зь якім дзясяткі тысяч замежных студэнтаў, чые ВНУ перайшлі на онлайн-навучаньне з прычыны пандэміі каранавірусу, былі б вымушаныя пакінуць краіну, піша «Голас Амэрыкі».

У Белым доме пацьвердзілі, што адмовяцца ад гэтага пляну ў сувязі зь вялікай колькасьцю судовых пазоваў, пададзеных унівэрсытэтамі. Аднак высокапастаўлены прадстаўнік Міністэрства ўнутранай бясьпекі заявіў, што адміністрацыя па-ранейшаму мае намер у наступныя некалькі тыдняў выдаць пастанову, якая тычыцца пытаньня аб тым, ці могуць замежныя студэнты заставацца ў Злучаных Штатах, калі іх навучаньне цалкам пераводзіцца ў онлайн-рэжым.

Пасьля таго, як стала вядома пра пляны Белага дому адклікаць візы ў часткі замежных студэнтаў, унівэрсытэты падалі цэлы шэраг судовых пазоваў, спрабуючы аспрэчыць плян адміністрацыі. Адзін з пазоваў быў пададзены Гарвардзкім унівэрсытэтам і Масачусэцкім тэхналягічным інстытутам, а яшчэ адзін — кааліцыяй уладаў некалькіх штатаў. Дзясяткі буйных кампаній, каледжаў і ўнівэрсытэтаў падалі ў суды экспэртныя думкі, якія падтрымліваюць гэтыя пазовы.

Кіраўніцтва Гарварду плянуе ў наступным навучальным годзе цалкам перавесьці ўсе заняткі ў рэжым онлайн. Прэзыдэнт Дональд Трамп, які настойвае на адкрыцьці ўсіх школаў ужо гэтай восеньню, назваў плян Гарвардзкага ўнівэрсытэту «недарэчным».

Унівэрсытэты сьцьвярджаюць, што дзеяньні адміністрацыі незаконныя і адмоўна адаб’юцца на акадэмічным працэсе.

7 ліпеня іміграцыйную і мытная паліцыя ЗША абвясьціла, што замежныя студэнты павінны будуць пакінуць ЗША, калі іх унівэрсытэт або каледж перайшоў на онлайн-навучаньне. У ведамстве адзначылі, што будуць адмаўляць у студэнцкіх візах, а тых, хто ня зьедзе з краіны, могуць выправадзіць.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG