Лінкі ўнівэрсальнага доступу

Выбары ў Польшчы: падлічылі 99,97% галасоў, перамагае дзейны прэзыдэнт Дуда з адрывам у 2,42%


Анджэй Дуда, архіўнае фота

Дзяржаўная выбарчая камісія Польшчы падлічыла 99,97% галасоў другога туру прэзыдэнцкіх выбараў, які прайшоў 12 ліпеня. Паводле папярэдніх вынікаў, перадае Polska Agencja Prasowa, перамагае дзейны прэзыдэнт Анджэй Дуда з 51,21% галасоў.

Ягоны супернік, кандыдат ад апазыцыйнай «Грамадзянскай кааліцыі» і мэр Варшавы Рафал Тшаскоўскі, пакуль мае 48,79%.

Яўка, паводле папярэдніх вынікаў, склала 68,12%.

Гэтыя вынікі, падкрэсьліваюць у выбарчай камісіі, папярэднія і неафіцыйныя. Разрыў у колькасьці галасоў нязначны.

Перамогу Дуды прадказвалі паводле вынікаў экзыт-полаў, але ў іх разрыў быў нязначным, у межах статыстычнай хібнасьці.

У першым туры цяперашні прэзыдэнт Анджэй Дуда набраў 43,5% галасоў. За Тшаскоўскага тады прагаласавалі 30,46% выбарнікаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG