Лінкі ўнівэрсальнага доступу

Падчас пандэміі ў Расеі настойкі глогу сталі купляць амаль на 40% больш


У Расеі больш чым на траціну вырасьлі продажы «Глогу» («Боярышника») і аналягічных сьпіртазмяшчальных настоек, піша «Коммерсант» са спасылкай на дасьледаваньне DSM Group, падрыхтаванае адмыслова для газэты.

Ад студзеня па чэрвень гэтага году продажы сьпіртазмяшчальных настоек вырасьлі на 8% — да 57 млн упаковак. У грашовым вымярэньні — на 38% да 1,6 мільярда рублёў. Год таму попыт на такія тавары, наадварот, скараціўся.

Найбольшы рост прыпаў на «супакаяльныя» сьпіртавыя настойкі — сардэчніку (35%) і валяр’яны (40%).

Рост попыту на гэтыя настойкі экспэрты тлумачаць двума фактарамі. Першы — дэфіцытам у аптэках антысэптыкаў падчас эпідэміі каранавірусу. А настойкі маглі выкарыстоўваць у якасьці сродкаў дэзынфэкцыі. Другі фактар, які стымуляваў рост продажаў, — абмежаваньні на продаж сьпіртнога ў некаторых рэгіёнах.

«Глог» і аналягічныя сьпіртазмяшчальныя настойкі робяць з этылявага сьпірту і разьліваюць у ёмістасьці па 250 грамаў. Праз іх таннасьць у Расеі іх часта п’юць замест гарэлкі.

А як у Беларусі

Пасьля інцыдэнту ў расейскім горадзе Іркуцку, дзе ў канцы 2016 году ад няякаснага напою памерлі больш за 70 чалавек, у Беларусі былі ўведзеныя часовыя абмежаваньні на продаж «Глогу».

Цяпер жа ён зноў даступны ва ўсіх аптэках. Статыстыка рэалізацыі настоек гэтай групы ў Беларусі не вядзецца.

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG