Лінкі ўнівэрсальнага доступу

Лукашэнка і Пуцін абняліся і паціснулі рукі. Што паказалі на расейскай тэлевізіі, але выразалі на беларускай


Рэсурс Mediaiq параўнаў, як асьвятлялі цырымонію адкрыцьця помніка савецкаму салдату ў Ржэве.

Тэлеканал «Россия 1» зьняў сюжэт пра сустрэчу лідэраў Беларусі і Расеі Аляксандра Лукашэнкі і Ўладзіміра Пуціна ў расейскім Ржэве. «РТР-Беларусь» паказала сюжэт, але прыбрала іронію на адрас беларускай дэлегацыі і кадры камунікацыі прэзыдэнтаў.

Пуцін і Лукашэнка адкрылі Ржэўскі мэмарыял савецкаму салдату 30 чэрвеня. Пра гэта распавялі ў праграме Ўладзіміра Салаўёва «Масква. Крэмль. Пуцін» у нядзелю 5 ліпеня. Тэлеканал «РТР-Беларусь» таксама паказаў расейскі сюжэт. Але выразаў заўвагі наконт эпідэміялагічнага пратаколу беларускага боку.

Прыбралі назіраньне, што памочнікі Лукашэнкі носяць маскі, а гэта «ня можа не зацікавіць», і што ў службе пратаколу прэзыдэнта Беларусі нямала жанчын.

Лукашэнка выконваў супрацьэпідэмічныя меры і карыстаўся «спэцыяльнай ручкай». Пры гэтым папрасіў памочніка нешта прынесьці з картэжу. Карэспандэнт «России-1» выказаў меркаваньне, што беларускі прэзыдэнт падрыхтаваў падарунак для Пуціна.

Прэзыдэнты абняліся і паціснулі рукі. Пасьля сустрэчы Пуцін не сыходзіў, а махаў усьлед аўтамабілю Лукашэнкі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG