Лінкі ўнівэрсальнага доступу

Ужо сёньня: Дарвін прадставіў тэорыю эвалюцыі


Чарльз Дарвін

Падзеі 1 ліпеня ў беларускай і сусьветнай гісторыі.

Дата дня

1 ліпеня 1858 году Чарльз Дарвін і Альфрэд Расэл Ўолэс упершыню агучылі тэорыю эвалюцыі, згодна зь якой усе віды разьвіліся з агульных прародзічаў праз працэс натуральнага адбору.

Таксама ў гэты дзень

1535 — пачаўся суд над Томасам Морам, ангельскім палітыкам і пісьменьнікам.

1569 — заключана Люблінская ўнія паміж Каралеўствам Польскім і Вялікім Княствам Літоўскім.

1812 — Напалеон Банапарт абвясьціў узнаўленьне Вялікага Княства Літоўскага і стварыў часовы ўрад ВКЛ.

Напалеон Банапарт
Напалеон Банапарт

У апошняй бітве Напалеона ваявалі і беларусы

1863 — пачалася бітва пры Гетысбэргу, адна з вырашальных бітваў Грамадзянскай вайны ў ЗША, у якой войска Поўначы разьбіла войска Поўдня.

1867 — была абвешчана незалежнасьць Канады.

1916 — падчас Першай Усясьветнай вайны пачалася бітва на Соме.

1921 — зацьвердзілі статут Таварыства беларускай школы, створанага ў Вільні.

1944 — у Брэтан-Вудсе пачалася канфэрэнцыя, на якой былі ўтвораныя Міжнародны валютны фонд і Сусьветны банк.

1963 — брытанскі ўрад прызнае, што Кім Філбі працаваў як савецкі агент. Ён быў завэрбаваны савецкай выведкай у 1934 годзе і працаваў на высокіх пасадах у брытанскай выведцы.

1974 — прэзыдэнт ЗША Рычард Ніксан падчас свайго візыту ў СССР наведаў Беларусь.

Error rendering VK.

1989 — у Кіеве створаны «Народны рух Украіны».

1991 — Варшаўскі абарончы пакт абвешчаны «няісным» на апошнім саміце гэтай арганізацыі.

1997 — Ганконг ізноў стаў часткай Кітаю.

2002 — уступіў у дзеяньне статут Міжнароднага крымінальнага суду.

2013 — Харватыя ўступіла ў Эўрапейскі Зьвяз.

2016 — у Беларусі адбылася дэнамінацыя. Зь беларускіх рублёў зьніклі чатыры нулі, старыя банкноты замянілі новымі, а замест самых дробных упершыню ўвялі манэты.

Пасьля дэнамінацыі. Як зьмяніўся курс новага рубля, на колькі вырасьлі цэны і іншыя цікавыя факты

У гэты дзень нарадзіліся

1780 – Карл Кляўзэвіц, нямецкі генэрал і ваенны тэарэтык.

1804 – Жорж Санд, француская пісьменьніца.

1927 – Зора Кіпель, бібліёграф, літаратуразнаўца, публіцыстка, грамадзка-культурная дзяячка эміграцыі ў ЗША.

Вясельле Зоры і Вітаўта Кіпеляў
Вясельле Зоры і Вітаўта Кіпеляў

1961 – Дыяна, прынцэса Ўэльская.

У памяці

1896 — памерла Гарыет Бічэр-Стоў, амэрыканская пісьменьніца, аўтарка раману «Хаціна дзядзькі Тома».

1938 — НКВД расстраляў Івана Цьвікевіча, беларускага навукоўцу, кіраўніка мэдычнай сэкцыі Інстытуту беларускай культуры.

2009 — памёр Марлон Брандо, амэрыканскі кінаактор.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG