Сын былога першага сакратара ЦК КПСС Мікіты Хрушчова, былы выкладчык прэстыжнага амэрыканскага Браўнаўскага ўнівэрсытэту Сяргей Мікітавіч Хрушчоў памёр на 85-м годзе жыцьця ў ЗША. Пра гэта Радыё Свабода паведаміла праўнучка былога савецкага лідэра Ніна Хрушчова.
Хрушчоў-малодшы нарадзіўся ў 1935 годзе. У 1958 годзе ён скончыў Маскоўскі энэргетычны інстытут, пасьля чаго працаваў у АКБ Чаламея, дзе ўдзельнічаў у канструяваньні балістычных ракет, ракеты-носьбіта «Пратон» і пілятаваных касьмічных апаратаў. Быў героем сацыялістычнай працы, ляўрэатам Ленінскай прэміі і прэміі Савету міністраў СССР. Выкладаў у МВТУ імя Баўмана.
З 1991 году ён выкладаў у адным з самых прэстыжных амэрыканскіх унівэрсытэтаў — Браўнаўскім. Жыў у Род-Айлендзе. Напісаў трылёгію пра бацьку. Быў госьцем эфіраў Радыё Свабода.
