Лінкі ўнівэрсальнага доступу

Адпачынак у Чарнагорыі адкладаецца да 1 ліпеня. Пакуль беларусаў прымае толькі Альбанія


На вуліцах чарнагорскай сталіцы Падгорыцы

Чартэрная праграма ў Чарнагорыю пачнецца ад 1 ліпеня. Пра гэта Рэспубліканскі саюз турыстычных арганізацый паведамляе са спасылкай на кансалідатара рэйсу кампанію «Аэратрэвэл».

На падставе нарматыўных актаў Беларусі і Чарнагорыі замоўнікам рэйсу прынята рашэньне чартэрную праграму ў Ціват перанесьці на 1 ліпеня. Раней беларускія турапэратары мелі намер пачаць сэзон 16 чэрвеня.

Аднак тэрміны старту праграмы давялося зрушыць. Чарнагорыя адкрыла межы зь першага дня лета для грамадзян 130 краінаў сьвету. Для ўсіх астатніх Адрыятычнае ўзьбярэжжа стане даступным 1 ліпеня — і то пры ўмове прымальнага эпідэмічнага становішча.

На гэты момант Чарнагорыя зьяўляецца краінай, вольнай ад каранавірусу — тут няма ніводнага носьбіта інфэкцыі COVID-19. А вось Беларусь, наадварот, сярод эўрапейскіх лідэраў у тэмпах прыросту хворых на душу насельніцтва.

Пакуль што гатовасьць прымаць беларусаў выказала толькі Альбанія. Паводле турапэратараў, квіткі на першы авіярэйс, заплянаваны зь Менска на 12 чэрвеня, раскупілі за некалькі гадзінаў.

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG