Лінкі ўнівэрсальнага доступу

Новы міністар інфармацыі зьбіраецца бараніць насельніцтва ад інфармацыі, якая наносіць шкоду дзяржаве


Ігара Луцкі, архіўнае фота, 2016 год.

Новы кіраўнік міністэрства інфармацыі Беларусі Ігар Луцкі заявіў, што стратэгія яго ведамства ў інтэрнэце будзе заключацца ў тым ліку ў тым, каб «абмежаваць насельніцтва» ад інфармацыі, якая наносіць шкоду дзяржаве. Пра гэта інфармуе Інтэрфакс.

«Стратэгія міністэрства інфармацыі, на мой погляд, будзе заключацца ў тым, каб карэктаваць дзеяньні сродкаў масавай інфармацыі для таго, каб забясьпечыць, па-першае, давядзеньне выразнай дзяржаўнай палітыкі, і абмежаваць насельніцтва ад інфармацыі, якая наносіць шкоду дзяржаве», — сказаў Луцкі у інтэрвію тэлеканалу СТВ у нядзелю, 7 чэрвеня.

«Мы бачым, што ўжо цяпер, у пэрыяд важнай палітычнай кампаніі, адбываецца ў сетцы інтэрнэт, у сацыяльных сетках, на старонках сайтаў, на відэагостынгу. Можа камусьці здацца, што гэта нешта бяскрыўднае, але гэта вельмі сур’ёзна ўплывае на тое, што адбываецца ў краіне і тое, як будзе разьвівацца краіна», — заўважыў ён.

Як мяркуе Луцкі, «важна ўсё ж аддзяліць збожжа ад пустазельля і даць людзям дакладную, ясную, зразумелую і праўдзівую інфармацыю пра тое, што адбываецца».

«Забіць галаву вельмі проста, лічбавы шум досыць сур’ёзна ўплывае на розумы. Задача перш за ўсё дзяржаўных СМІ — разбураць гэты лічбавы шум і даносіць праўдзівую інфармацыю», — сказаў Ігар Луцкі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG