Лінкі ўнівэрсальнага доступу

Сьпявак Аляксандар Рыбак расказаў, што 11 гадоў змагаўся з залежнасьцю ад антыдэпрэсантаў


Аляксандар Рыбак у 2009 годзе
Аляксандар Рыбак у 2009 годзе

Нарвэскі сьпявак беларускага паходжаньня, пераможца «Эўравізіі-2009», у Instagram расказаў 3 чэрвеня, што 11 гадоў быў залежным ад снатворнага і антыдэпрэсантаў, а ў студзені пачаў курс рэабілітацыі.

«Усё пачыналася бяскрыўдна, але ў выніку гэта амаль зруйнавала маё жыцьцё», — напісаў Аляксандар Рыбак пра залежнасьць. Цяпер ён пачынае адчуваць сябе лепей з дапамогай дактароў.

За апошнія гады, прызнаўся Рыбак, лекі зрабілі яго слабым і запалоханым, уплывалі ня толькі на мазгі, але таксама на цягліцы і страўнік, «разбурылі стасункі зь людзьмі і амаль зьнішчылі жыцьцё».

«Я ведаю, што ёсьць шмат людзей, якія змагаюцца з падобным, таму цягам наступных тыдняў я падзялюся з вамі сваім досьведам, і я буду рады, калі камусьці ён дапаможа», — напісаў Рыбак.

Сёньня сьпявак выдаў новыя песьні — «My Whole World» («Мой цэлы сьвет») і «Give Me Rain» («Дай мне дождж»), пра лячэньне разьбітага сэрца і псыхічнага расстройства. Праца над імі, піша ён, была часткай тэрапіі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG