Лінкі ўнівэрсальнага доступу

У Менску затрыманы лідэр «Маладога фронту» Дзяніс Урбановіч


Затрыманьне Дзяніса Ўрбановіча, 31 траўня 2020
Затрыманьне Дзяніса Ўрбановіча, 31 траўня 2020

У Менску ў раёне Камароўскага рынку затрыманы Дзяніс Урбановіч, лідэр зарэгістраванай у Чэхіі арганізацыі «Малады фронт».

Як паведамілі журналістам паплечнікі Урбановіча, на скрыжаваньні вуліц Кульман і Цнянскай (каля Дома быту) невядомыя ў цывільным зацягнулі яго ў мікрааўтобус.

Паводле зьвестак праваабаронцаў, сёньня ў розных гарадах Беларусі было затрымана каля 20 чалавек, у тым ліку апазыцыйны палітык Мікалай Статкевіч.

На плошчы перад Камароўскім рынкам сёньня праходзяць пікеты для збору подпісаў за вылучэньне кандыдатамі ў прэзыдэнты Сьвятланы Ціханоўскай, Валера Цапкалы, Віктара Бабарыкі, Мікалая Казлова і Андрэя Дзьмітрыева. Паводле падлікаў праваабаронцаў, каля Камароўскага рынку сабралася больш за дзьве тысячы чалавек.

Пікет для збору подпісаў за вылучэньне кандыдатам у прэзыдэнты Сьвятланы Ціханоўскай, жонкі аўтара youtube-каналу «Краіна для жыцця» Сяргея Ціханоўскага, перарос у стыхійны мітынг за адстаўку Аляксандра Лукашэнкі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG