Лінкі ўнівэрсальнага доступу

У Міністэрстве здароўя расказалі, у якіх рэгіёнах Беларусі эпідэмія ідзе на спад, а ў якіх — не


Першы намесьнік міністра аховы здароўя Дзьмітры Піневіч ацаніў сытуацыю з пашырэньнем каранавірусу ў рэгіёнах.

Каранавірус у Беларусі і ў сьвеце. Як разьвіваюцца падзеі >>

Паводле чыноўніка, ведамства трымае сытуацыю ў абласьцях пад кантролем. Пры гэтым не прагучала канкрэтных лічбаў — апошні раз справаздача пра агульную карціну па рэгіёнах была больш за месяц таму.

Так, па словах Дзьмітрыя Піневіча, у Берасьцейскай вобласьці колькасьць тых, хто захварэў на COVID-19, зьмяншаецца. У Гомельскай вобласьці застаюцца пытаньні, і 27 траўня ён мае намер выехаць туды асабіста.

Таксама падкрэсьліў, што ў Віцебскай вобласьці ўстановы аховы здароўя, якія працавалі з інфікаванымі, пачалі паступова вяртацца да звыклага рэжыму працы. Параўнальна спакойнае становішча назіраецца і ў Магілёўскай вобласьці.

На сайце Міністэрства здароўя таксама паведамляецца, што да плянавага рэжыму вяртаюцца і лякарні ў Менску.

Колькасьць заражаных каранавірусам у Беларусі на 26 траўня перавысіла 36 тысяч. За суткі COVID-19 дыягнаставаны яшчэ ў 915 пацыентаў, агулам 208 памерлых.

Што трэба ведаць пра новы каранавірус, які выклікае COVID-19

  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

Найважнейшыя пытаньні і адказы пра каранавірус

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG