Лінкі ўнівэрсальнага доступу

Гішпанскія правыя пратэстуюць супраць карантыну


Падчас ранейшага пратэсту ў горадзе Алькаркон, 20 траўня 2020.
Падчас ранейшага пратэсту ў горадзе Алькаркон, 20 траўня 2020.

Крайне правая гішпанская партыя Vox зладзіла ў Мадрыдзе дэманстрацыю супраць карантынных захадаў, прынятых у сувязі з пандэміяй каранавірусу.

Пра гэта паведамляе агенцтва Reuters.

Пратэст падтрымалі аўтамабільнымі гудкамі тысячы аўтамабілістаў, якія праяжджалі вуліцамі гішпанскай сталіцы.

Каранавірус у Беларусі і ў сьвеце. Як разьвіваюцца падзеі >>

Гішпанія ўвяла адзін з самых жорсткіх рэжымаў карантыну і локдаўну ў Эўропе, пачынаючы з 14 сакавіка. Апошнім часам урад пачаў паступова скасоўваць абмежаваньні, але Мадрыд і Барсэлёна застаюцца пад абмежаваньнямі.

Удзельнікі сёньняшняй акцыі заклікалі прэм’ер-міністра Пэдра Санчэса і віцэ-прэмʼера Паблё Іглесіяса падаць у адстаўку. Правыя вінавацяць левы ўрад у нанясеньні шкоды эканоміцы і ў рэзкім росьце беспрацоўя.

Лідэр партыі Vox Сантʼяга Абаскаль, які кіраваў шэсьцем у Мадрыдзе, у прамове заявіў, што ўрад «непасрэдна адказны за найгоршае кіраваньне гэтым крызісам на ўсёй плянэце».

На мінулым тыдні ў Мадрыдзе ўжо адбыліся стыхійныя акцыі пратэсту супраць карантыну. Але сёньняшняя — першая арганізаваная акцыя пратэсту з пачатку пандэміі.

Партыя Vox заклікала гішпанцаў ладзіць пратэсты ў кожнай сталіцы рэгіёнаў. Акцыі пратэсту аўтамабілістаў прайшлі сёньня таксама ў Сэвільлі і Барсэлёне.

Карантынныя меры ў Мадрыдзе і Барсэлёне будуць аслабленыя з панядзелка, паколькі эпідэмія ў краіне запавольваюцца. Усяго ў Гішпаніі зарэгістравана 234 824 выпадкаў захворваньня на COVID-19 і амаль 29 тысячаў выпадкаў сьмерці ад яго — 612 выпадкаў на мільён насельніцтва. У Беларусі, паводле афіцыйных дадзеных, — 20 сьмерцяў на мільён насельніцтва, у 30 разоў меней, чым у Гішпаніі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG