Лінкі ўнівэрсальнага доступу

Парлямэнт Украіны хоча расьсьледаваць сувязі Байдэна і Парашэнкі


Андрэй Дзяркач

Фракцыя прапрэзыдэнцкай партыі «Слуга народу» ў Вярхоўнай Радзе Ўкраіны ініцыюе стварэньне камісіі, каб расьсьледаваць інфармацыю пра меркаваны ўплыў былога віцэ-прэзыдэнта ЗША Джо Байдэна на экс-прэзыдэнта Ўкраіны Пятра Парашэнку.

Пра гэта на пленарным пасяджэньні парлямэнту паведаміў дэпутат Аляксандр Качура.

Днём раней, 19 траўня, дэпутат Андрэй Дзяркач апублікаваў аўдыёзапісы тэлефонных размоваў, на якіх нібыта Парашэнка, Байдэн і былы дзяржсакратар Джон Керы абмяркоўваюць пытаньні ўнутранай палітыкі Ўкраіны.

Адна з тэмаў размоваў — дапамога амэрыканскага боку ў атрыманьні Кіевам мільярда даляраў ад МВФ у абмен на прызначэньне новага генпракурора замест Віктара Шокіна, які, апроч іншага, расьсьледаваў крымінальную справу ў дачыненьні да прыватнай нафтавай кампаніі Burisma. У раду дырэктараў гэтай кампаніі ў свой час уваходзіў сын Байдэна. Сапраўднасьць запісаў афіцыйна не пацьверджаная.

Выбарчы штаб Джо Байдэна, які мае стаць кандыдатам у прэзыдэнты ЗША на найбліжэйшых выбарах, назваў апублікаваныя аўдыёматэрыялы працягам намаганьняў Расеі дыскрэдытаваць палітыка-дэмакрата. Прэс-сакратар Байдэна Эндру Бэйтс падкрэсьліў, што запісы моцна адрэдагаваныя і нічога, па сутнасьці, зь сябе не ўяўляюць. Сам Байдэн раней не хаваў, што дамагаўся звальненьня Шокіна, сьцьвярджаючы, што той датычны да карупцыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG