Лінкі ўнівэрсальнага доступу

N.R.M. выклалі ў інтэрнэт акустычны альбом 1999 году з эксклюзіўнымі песьнямі


Гурт N.R.M., 2000 год (фота Сяргея Кажамякіна)

20 траўня на лічбавых музычных пляцоўках упершыню афіцыйна зьявіўся дыск N.R.M. Akustyčnyja Kancerty Kanca XX St.​. У 1999 годзе ён стаў першым афіцыйна выдадзеным беларускім unplugged-альбомам.

Рэліз складаецца з 29 кампазыцый, запісаных падчас адмысловых канцэртаў у клюбе імя Дзяржынскага і Палацы прафсаюзаў у Менску. Сярод іх песьні з трох першых альбомаў N.R.M. у акустычных аранжыроўках, творы з «Народнага альбома» і рэпэртуару «Мроі», а таксама шэраг эксклюзіваў, якія больш нідзе не выдаваліся: «13», «Медны купарос», «Халодны блюз», «Са шчытом ці на шчыце».

Як апавёў лідэр гурту N.R.M. Лявон Вольскі ў Фэйсбуку, альбом быў запісаны ў час, калі «толькі пачыналіся першыя сур’ёзныя посьпехі, але нас яшчэ слухала хутчэй адданае вузкае кола прыхільнікаў».

«Натуральна, што мы натхняліся MTV Unplugged, дзе „цяжкія“ гурты кшталту Nirvana і Guns N’ Roses гралі ў акустыцы. Атрымалася сапраўды няблага, і мы адыгралі потым шмат канцэртаў у такім фармаце, бо ён цікавы па рэпэртуары і меней патрабавальны да тэхнічнага абсталяваньня. Вас чакае непаўторная атмасфэра эпохі і натуральны жывы саўнд з усімі тэхнічнымі хібамі», — сказаў Вольскі.

Паводле гітарыста N.R.M. Піта Паўлава, «дыск цікавы тым, што гэта максымальна дакумэнтальны запіс — гук з пульта, без дадатковага зьвядзеньня і рэдагаваньня музычнай часткі».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG