Лінкі ўнівэрсальнага доступу

Паўтарэньня Вялікай дэпрэсіі ўдасца пазьбегнуць, — Фэдэральная рэзэрвовая сыстэма ЗША


Джэром Паўэл, архіўнае фота

Амэрыканская эканоміка адчувае значнае скарачэньне па выніках другога кварталу 2020 году, але пазьбегне паўтарэньня Вялікай дэпрэсіі 1930-х, якая доўжылася шмат гадоў, заявіў 17 траўня Джэром Паўэл, старшыня Фэдэральнай рэзэрвовай сыстэмы, якая ў Злучаных Штатах выконвае функцыі цэнтральнага банку.

Паўэл сказаў у інтэрвію CBS, што «добры шанец» на аднаўленьне эканоміка атрымае сёлета ў трэцім квартале, але аднаўленьне росту можа заняць некаторы час.

Многія штаты ЗША паступова адмяняюць зьвязаныя з распаўсюджваньнем каранавіруснай інфэкцыі абмежаваньні, бо колькасьць людзей, якія сталі беспрацоўнымі за апошні час, перавысіла 36 000 000.

У Эўропе таксама працягваецца паэтапнае аднаўленьне эканамічнай актыўнасьці, у апошнія тыдні колькасьць новых сьмерцяў, шпіталізацый і заражэньняў COVID-19 рэзка ўпала.

Лідэры Італіі і Вялікай Брытаніі, якія панесьлі значныя людзкія страты ад пандэміі, сказалі сваім грамадзянам, што ім давядзецца суіснаваць зь вірусам і прымаць зьвязаныя з гэтым рызыкі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG