У Нямеччыне Інстытут імя Паўля Эрліха выдаў першы дазвол на клінічныя выпрабаваньні магчымай вакцыны супраць новага каранавірусу SARS-CoV-2.
Яго атрымала кампанія Biontech з Майнца, якая цяпер будзе тэставаць дзеяньне вакцыны на добраахвотніках.
Дасьледаваньні вакцын у сьвеце праводзяцца вельмі інтэнсіўна, цяпер у распрацоўцы больш за 20 вакцын.
Першае выпрабаваньне вакцыны на людзях абвясьцілі ў мінулым месяцы навукоўцы зь лябараторыі ў амэрыканскім Сіэтле. Яны зрабілі незвычайны крок, прапускаючы любыя дасьледаваньні на жывёлах, каб праверыць эфэктыўнасьць вакцыны.
Узбуджальнік пнэўманіі COVID-19 выяўлены больш як у 2,5 млн чалавек, памерлі звыш 177 тысяч. Паправіліся больш за 690 тысяч чалавек.