Лінкі ўнівэрсальнага доступу

Статыстыка COVID-19: найбольш у Эўропе хварэюць у Люксэмбургу, паміраюць — у Бэльгіі. А дзе Беларусь?


Брусэль, 9 красавіка

Які стан захворваньня каранавірусам і сьмерцяў ад яго ў эўрапейскіх краінах 22 красавіка?

Дадзеныя пра гэта, узятыя з сайту worldometers.info, прыводзяцца ў наступнай табліцы.

Колькасьць выпадкаў захворваньня на COVID-19​ на 1 млн жыхароў

Колькасьць сьмерцяў з каранавірусам на 1 млн жыхароў

Адсотак сьмерцяў ад колькасьці хворых

Люксэмбур

5780

125

2.2

Ісляндыя

5210

29

0.6

Гішпанія

4367

455

10.4

Бэльгія

3534

518

14.7

Ірляндыя

3248

148

4.6

Швайцарыя

3243

171

5.3

Італія

3043

408

13.4

Францыя

2421

319

13.2

Ліхтэнштэйн

2124

26

1.2

Партугалія

2097

75

3.6

Галяндыя

1992

229

11.5

Вялікая Брытанія

1901

255

13.4

Нямеччына

1772

61

3.4

Аўстрыя

1651

55

3.3

Швэцыя

1517

175

11.5

Данія

1366

64

4.7

Нарвэгія

1336

34

2.5

Эстонія

1170

32

2.7

Сэрбія

789

15

1.9

Фінляндыя

724

25

3.5

Беларусь

771

6

0.8

Чэхія

657

19

2.9

Малдова

648

18

2.8

Славенія

646

37

5.7

Літва

503

14

2.8

Румынія

480

26

5.4

Харватыя

465

12

2.6

Латвія

403

6

1.5

Польшча

265

11

4.2

Грэцыя

230

12

5.2

Славаччына

228

3

1.3

Вугоршчына

224

23

10.3

Альбанія

212

9

4.2

Украіна

151

4

2.6

Баўгарыя

146

7

4.8

Хто пацярпеў найбольш

Табліца паказвае пэўныя нечаканасьці. Хаця СМІ шырока паведамляюць пра хаду пандэміі ў Італіі і Гішпаніі, самы высокі ўзровень захворваньня (у пераліку на мільён чалавек) ня ў іх, а ў Люксэмбургу, Гішпанія ж на трэцім месцы.

А ў паказьніку сьмерцяў адносна колькасьці насельніцтва на першым месцы — Бэльгія. Табліца паказвае, што паміж узроўнем распаўсюду хваробы і сьмяротнасьцю ад яе ёсьць пэўныя карэляцыя, але не наўпроставая. Чым больш хворых — тым больш памерлых, агулам кажучы, гэта ня так.

З табліцы відаць, што найбольш пацярпелі да гэтага часу краіны Заходняй Эўропы, Усходняя ж пацярпела значна менш. Ці пакуль менш, ці наагул менш.

А што Беларусь?

Па ступені распаўсюду каранавірусу Беларусь месьціцца прыкладна ў сярэдзіне табліцы. Сярод краінаў, дзе хвароба пашырылася больш, чым у Беларусі, толькі дзьве ўсходнеэўрапейскія — Сэрбія і Эстонія.

Але ў сьмяротнасьці ад каранавірусу Беларусь бліжэй да канца сьпісу. Толькі ў дзьвюх краінах сьпісу — у Славаччыне і ва Ўкраіне — гэты паказьнік ніжэйшы.

На чым грунтуецца статыстыка

Варта ўлічваць, што сайт worldometers.info карыстаецца афіцыйнай статыстыкай міністэрстваў аховы здароўя краінаў, дакладнасьць і верагоднасьць гэтых афіцыйных дадзеных у розных краінах розная. Але альтэрнатыўнай статыстыкі, якая давала б зьвесткі на нацыянальным узроўні, не існуе.

Трэба таксама браць пад увагу, што розныя краіны Эўропы знаходзяцца на розных стадыях эпідэміі, у розных краінах яна пачалася ў розны час. У некаторых яна — у самым разгары, у іншых назіраецца тэндэнцыя да яе затуханьня, ня выключана, што часовага.

Што трэба ведаць пра новы каранавірус, які выклікае COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG