Лінкі ўнівэрсальнага доступу

Ужо 26 памерлых. У Беларусі прызналі 2578 выпадкаў COVID-19, плюс 352 выпадкі за дзень

абноўлена

Ілюстрацыйнае фота

Міністэрства аховы здароўя апублікавала 12 красавіка ў сваім Telegram-канале афіцыйную статыстыку распаўсюду новага каранавірусу ў Беларусі.

Выпраўленьне. Першапачаткова Свабода паведаміла, што агулам Міністэрства здароўя прызнала 2807 выпадкаў. У міністэрстве патлумачылі, што цяпер публікуюць агульную колькасьць выпадкаў, называючы іх «зарэгістраванымі людзьмі з каранавіруснай інфэкцыяй», і не публікуюць колькасьць шпіталізаваных. Раней жа публікавалі колькасьць шпіталізаваных, памерлых і выпісаных, але не агульную колькасьць.

Паводле міністэрства, на раніцу ў Беларусі:

  • 2578 выпадкаў каранавіруснай інфэкцыі зарэгістраваныя з пачатку эпідэміі;
  • 50 зь іх маюць патрэбу ў штучнай вэнтыляцыі лёгкіх;
  • 203 зь іх выздаравелі;
  • 26 зь іх памерлі
  • 352 новыя выпадкі зарэгістраваныя за дзень;
  • 2349 пацыентаў, такім чынам, застаюцца хворымі (у сьвеце гэта называюць «актыўнымі выпадкамі»);
  • «у большай часткі пацыентаў хвароба працякае ў лёгкай або сярэдняй форме»;
  • ад пачатку эпідэміі зрабілі звыш 64 тысячаў тэстаў на каранавірусную інфэкцыю.

Лекары ананімна заяўляюць, што ня ўсім хворым ставяць адпаведны дыягназ. Міністэрства не залічвае да памерлых ад COVID-19 тых, у каго вірус «элімінавалі», а яны ўсё роўна памерлі.

Днём раней міністэрства паведамляла пра 2226 выпадкаў каранавірусу, 172 ачунялых і 23 памерлых. 11 красавіка місія Сусьветнай арганізацыі здароўя на брыфінгу расказала пра вынікі вывучэньня сытуацыі ў Беларусі, заклікала дадаткова дыстанцыявацца і скасаваць масавыя імпрэзы, а таксама «рыхтавацца да найгоршых сцэнароў».

Што трэба ведаць пра новы каранавірус з Кітаю

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG