Лінкі ўнівэрсальнага доступу

САЗ раіць спыніць масавыя імпрэзы ў Беларусі; больш за 2 тысячы сьмерцяў праз COVID-19 за суткі ў ЗША. Вынікі 11 красавіка


Вялікая субота ў каталікоў у Менску, 2020

Мы сабралі для вас навіны зь Беларусі і сьвету, датычныя каранавірусу, за 10 красавіка.

  • ЗША сталі першай краінай у сьвеце, дзе за суткі ад каранавірусу памерлі больш за 2 тысячы чалавек.
  • Прэзыдэнт ЗША Дональд Трамп падпісаў дакумэнт, паводле якога змогуць уводзіць візавыя санкцыі супраць краінаў, якія не вывозяць сваіх грамадзян ці зацягваюць працэс эвакуацыі падчас пандэміі каранавірусу.
  • Сусьветная арганізацыя здароўя рэкамэндуе спыніць масавыя мерапрыемствы ў Беларусі і адмовіцца ад масавых збораў людзей, сказаў прадстаўнік САЗ Патрык О’Конар на брыфінгу ў Менску. Прадстаўнікі САЗ таксама выказалі дапушчэньне, што змаганьне з каранавірусам можа працягнуцца яшчэ 12–18 месяцаў.
  • У Беларусі лябараторна пацьверджаны 301 выпадак заражэньня медыцынскіх работнікаў, паведаміў міністар аховы здароўя Ўладзімер Каранік на брыфінгу ў Менску. Ён дадаў, што штучная вэнтыляцыя лёгкіх у Беларусі цяпер праводзіцца 111 пацыентам з пнэўманіяй.
  • У рэанімацыі Пінскай раённай лякарні памёр журналіст «Медиа-Полесье» Васіль Мацкевіч. У яго раней бралі тэст на каранавірус.
  • На каранавірус у Беларусі захварэлі 2226 чалавек, 23 чалавекі памерлі, паводле афіцыйнай інфармацыі Міністэрства здароўя.
  • Краіны-суседзі Беларусі працягнулі карантынныя захады ў сувязі з каранавірусам, у тым ліку, падоўжылі тэрмін, калі нельга прыяжджаць іншаземцам.
  • Беларуская праваслаўная царква раіць хворым людзям не хадзіць у храмы і ўхваляе паводзіны тых, хто перайшоў у самаізаляцыю для прафіляктыкі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG