Лінкі ўнівэрсальнага доступу

МВФ папярэджвае: сьвет сутыкаецца з «найгоршым эканамічным спадам з часоў Вялікай дэпрэсіі»


Кіраўніца МВФ Крысталіна Геаргіева, архіўнае фота
Кіраўніца МВФ Крысталіна Геаргіева, архіўнае фота

Глябальная пандэмія каранавірусу выкліча найгоршы эканамічны крызіс пасьля Вялікай дэпрэсіі 1929–1933 гадоў і запатрабуе масавага рэагаваньня для забесьпячэньня аднаўленьня, папярэдзіў 9 красавіка Міжнародны валютны фонд (МВФ).

Кіраўніца МВФ Крысталіна Геаргіева сказала, што «рост усясьветнай эканомікі рэзка адмоўны ў 2020 годзе, »калі 170 з 180 чальцоў МВФ адчуваюць зьніжэньне даходаў на душу насельніцтва.

«На самай справе мы чакаем найгоршых эканамічных наступстваў пасьля Вялікай дэпрэсіі», — сказала Геаргіева на прэс-канфэрэнцыі ў Вашынгтоне напярэдадні вясновых сустрэч МВФ і Усясьветнага банку на наступным тыдні.

Гэтыя сустрэчы таксама пройдуць віртуальна з прычыны абмежаваньняў, накладзеных у сувязі з COVID-19. Геаргіева сказала, што «існуе велізарная няпэўнасьць наконт прагнозу» і працягласьці пандэміі, і сытуацыя «можа пагоршыцца».

МВФ чакае толькі «частковага аднаўленьня» налета, нават пры ўмове, што вірус зьнікне ў канцы гэтага году, што дазволіць аднавіць звычайны бізнэс, калі будуць зьняты абмежаваньні, створаныя для стрымліваньня распаўсюду.

Што трэба ведаць пра новы каранавірус з Кітаю

  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

Найважнейшыя пытаньні і адказы пра каранавірус

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG