Лінкі ўнівэрсальнага доступу

На БелАЭС шпіталізавалі 100 чалавек — кантактавалі з інфікаванымі каранавірусам расейцамі


Першыя вучэньні на Беларускай АЭС, архіўнае фота

На будаўніцтве Беларускай атамнай электрастанцыі ў Астраўцы шпіталізаваныя 100 чалавек, перадае Інтэрфакс заяву міністра аховы здароўя Ўладзімера Караніка.

Гэта асобы, якія кантактавалі з інфікаванымі рабочымі, што прыехалі з Расеі. Ці вядомыя ўжо вынікі тэстаў сотні шпіталізаваных, не ўдакладняецца.

Днём раней Каранік расказваў, што станоўчы тэст на COVID-19 атрымалі ў 15 грамадзян Расеі, якія «знаходзіліся на 14-дзённым карантыне перад пачаткам працы на БелАЭС».

Пазьней «Росатом» пацьвердзіў, што ў мэдычныя ўстановы Горадзенскай вобласьці накіраваныя 15 спэцыялістаў субпадрадных арганізацый інжынэрнага дывізіёну.

Што трэба ведаць пра новы каранавірус з Кітаю

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG