Гісторыя захоўвае ўрокі таго, як краіны змагаліся з эпідэміямі, а сьвет — з пандэміяй. У разгар пандэміі гішпанскага грыпу ў 1918 году Філядэльфія не адмяніла пампезны парад. Іншы горад у ЗША — Сэнт-Луіс — наадварот, адмяніў усе публічныя мерапрыемствы і адразу ж увёў жорсткія карантынныя меры.
У выніку ў Філядэльфіі было нашмат больш сьмерцяў ад «гішпанкі», чым у Сэнт-Луісе. Колькасьць насельніцтва Філядэльфіі складала тады 1,7 мільёна чалавек, а ў Сэнт-Луісе жылі крыху больш за 680 тысяч, ён быў чацьвёртым па колькасьці насельніцтва горадам у ЗША. І, калі параўноўваць па колькасьці насельніцтва з Філядэльфіяй, то ў Сэнт-Луісе павінны былі б памерці крыху менш за 4800 чалавек. А памерлі 700. А ў Філядэльфіі не перажылі гэтую хваробу 12 тысяч чалавек.
За 1918 год у Філядэльфіі прайшло некалькі такіх парадаў. Іх мэтай было сабраць як мага больш жадаючых купіць дзяржаўныя аблігацыі. Але тое, што адбывалася ў горадзе 28 верасьня, па маштабах не магло параўнацца ні з адной урачыстасьцю. Улады горада вырашылі не адмяняць мерапрыемствы. На яго сабраліся каля 200 тысяч чалавек. Праз тры дні ў шпіталях Філядэльфіі не засталося ніводнага свабоднага месца. А бальніц у той час было нямала – 31.
На плякаце напісана, што ня трэба пляваць на зямлю. Надпіс вывесілі ў кастрычніку 1918 года якраз на ўваходзе на той самы завод марской авіяцыі. З усіх гарадоў ЗША Філядэльфія пацярпела ад «гішпанкі» больш за ўсё.
Хуткая дапамога перад Клюбам дзяўчат у Філядэльфіі ў разгар эпідэміі «гішпанкі». Будынак клюбу быў у надзвычайным тэмпе пераабсталяваны пад бальніцу. Праз тыдзень пасьля параду ў горадзе заразіліся больш за 45 тысяч чалавек. 12 тысяч зь іх памерлі.
На знаку на слупе побач з ратушай Філядэльфіі напісана: «Плявок сее сьмерць». Улады горада павесілі такія плякаты на многіх слупах і раздавалі ўлёткі, у якіх раілі, што рабіць у разгар эпідэміі. Яны спадзяваліся, што гэтыя меры спыняць распаўсюджваньне віруса.
У грамадзкім транспарце Філядэльфіі таксама рэкамэндавалі ня пляваць на падлогу. Гэта фатаграфія 1918 года.
Паліцэйскі суправаджае хворага «гішпанкай» у бальніцу ў Філядэльфіі ў кастрычніку 1918 года.
1918 год. Хворыя ў аддзяленьні пнэўманіі ў бальніцы Самарыцянаў, якой кіравалі трэніровачныя сілы студэнтаў Унівэрсытэта Тэмпл у Філядэльфіі. Гішпанскі грып забраў жыцьці 50 мільёнаў чалавек у сьвеце. 675 тысяч памерлі ў ЗША.
Чальцы матарызаваных брыгад Чырвонага Крыжа Сэнт-Луіса заступаюць на службу 10 кастрычніка 1918 года. Ня ў прыклад Філядэльфіі ўлады Сэнт-Луіса, штат Місуры, вырашылі адмяніць парад у гонар Закона аб пазыках свабоды і рэкамэндавалі гараджанам не зьбірацца ў вялікія групы. Былі таксама зачыненыя школы.
У выніку жорсткіх карантынных мераў у Сэнт-Луісе было зафіксавана ня больш за 700 сьмерцяў ад «гішпанкі» (пры насельніцтве крыху больш за 680 тысяч чалавек). Колькасьць сьмерцяў у Філядэльфіі склала 12 тысяч (пры насельніцтве ў 1,7 мільёна чалавек).
Аўтабрыгады Чырвонага Крыжа ў Сэнт-Луісе ў 1918 годзе.
Работнікі Чырвонага Крыжа ў Сэнт-Луісе ў разгар эпідэміі «гішпанкі» ў кастрычніку 1918 года.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў