Для трэніровак да параду 9 траўня, пачынаючы ад 6 красавіка і ў наступныя дні на асобных участках дарог у Менску будзе абмежаваны рух усіх відаў транспарту.
Як паведамляецца на сайце прадпрыемства «Менсктранс», будзе спыняцца рух на ўчастку ад вуліцы Даўмана да праспэкта Пераможцаў. Прычына — падрыхтоўка зводнай роты ганаровай варты да параду войскаў Менскага гарнізону.
Рэпэтыцыі будуць праходзіць на праспэкце Машэрава 6, 9, 13, 16, 20, 23, 27 і 30 красавіка. У названыя даты з 21.00 да 23.00 прыватнаму і ведамаснаму аўтатранспарту перамяшчэньне забаронена, рух грамадзкага транспарту будзе скарэктаваны.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў