Расейская чыгунка адмяніла апошнія цягнікі міжнародных зносінаў — у Беларусь.
Ад пачатку распаўсюду каранавірусу Расея спыніла рух цягнікоў у два дзясяткі краін і непрызнаных тэрыторый — Абхазію, Аўстрыю, Азэрбайджан, Італію, Казахстан, Кітай, КНДР, Кіргізію, Латвію, Літву, Малдову, Манголію, Нямеччыну, Польшчу, Таджыкістан, Узбэкістан, Украіну, Францыю, Фінляндыю, Чэхію, Эстонію. Цяпер у гэты пералік дадалася і Беларусь.
Акрамя таго, спыніліся зносіны з расейскім эксклявам — Калінінградам, гаворка пра транзытныя празь Беларусь і Літву цягнікі Калінінград — Масква, а таксама Калінінград — Санкт-Пецярбург.
Раней Беларуская чыгунка паведаміла, што з 5 красавіка адмяняецца рух цягнікоў Менск — Масква, а з 6 красавіка на няпэўны час прыпыняюцца чыгуначныя зносіны паміж Берасьцем і Санкт-Пецярбургам.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў