Лінкі ўнівэрсальнага доступу

Лідэр гурту Rammstein у рэанімацыі з падазрэньнем на COVID-19

абноўлена

Тыль Ліндэман на канцэрце Rammstein, архіўнае фота

Лідэр нямецкага мэтал-гурту Rammstein Тыль Ліндэман шпіталізаваны ў аддзяленьне рэанімацыі і інтэнсіўнай тэрапіі адной зь лякарняў Бэрліну. Выданьне Bild паведаміла пра тое, што сьпявак інфікаваны каранавірусам.

АБНЎЛЕНА: На наступны дзень на афіцыйнай старонцы гурту ў Фэйсбуку паведамілі, што Ліндэману лепш, яго перавялі з рэанімацыі, а ягоны тэст на каранавірус быў адмоўным.

Яшчэ на мінулым тыдні ён даваў канцэрты з музычным праектам Lindemann, у якім грае разам зь лідэрам Pain, швэдам Пэтэрам Тэктгрэнам.

Нядаўна праект езьдзіў зь міжнародным турам, у тым ліку 4 сакавіка выступаў ў Менску. Фанаты падчас туру адзначылі, што музыкі праводзілі частку шоў у празрыстым плястыкавым шары — жартавалі, што гэта такая абарона ад каранавірусу.

Пра тэсты на COVID-19 у Пэтэра Тэктгрэна паведамленьняў не было. Тры дні таму музыка пісаў, што па завяршэньні туру некалькі дзён знаходзіўся дома.

Каранавірус у Беларусі і ў сьвеце. Як разьвіваюцца падзеі >>

Што трэба ведаць пра новы каранавірус з Кітаю

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG