Лінкі ўнівэрсальнага доступу

Расейскі Су-27 упаў у мора побач з анэксаваным Крымам


Ілюстрацыйнае фота

Расейскі зьнішчальнік Су-27 упаў 25 сакавіка за 50 кілямэтраў ад Феадосіі ў акупаваным Крыме ў Чорным моры. У наступную хвіліну ў раёне быў зафіксаваны сыгнал аварыйнага маяка, перадае «Інтэрфакс» паведамленьне расейскіх вайскоўцаў.

Для пошуку месца магчымага падзеньня і выратаваньня паднялі самалёт Ан-26 і верталёт Мі-8. Але ў гэтым раёне складаныя мэтэаўмовы, таму пошук ускладнены. Таксама для пошуку і выратаваньня накіраваны невялікі супрацьлодкавы карабель Чарнаморскага флёту і цывільныя судны.

Пілёта пакуль не знайшлі, але выявілі сыгнал радыёбуя, які можа быць зьвязаны з гумовай лодкай, дзе можа быць лётчык.

Зьнішчальнікі Су-27 уваходзяць у склад войскаў СПА Паўднёвай акругі. Баявой радыюс самалёта — 1200 кілямэтраў. Экіпаж складаецца з аднаго пілёта.

Зьнішчальнікі выкарыстоўваюцца для перахопу і зьнішчэньня самалётаў і бесьпілётнікаў, вядзеньня паветраных баёў, а таксама для прыкрыцьця паветранага флёту на адлегласьці 300-400 кілямэтраў ад берага.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG