Лінкі ўнівэрсальнага доступу

Больш за мільярд чалавек па ўсім сьвеце атрымалі ўказаньні заставацца дома


Ілюстрацыйнае фота

Больш за мільярд чалавек у 50 зь лішнім краінах і тэрыторыях атрымалі просьбу заставацца дома, у той час як улады розных краін спрабуюць справіцца з глябальнай пандэміяй каранавіруса. Такія вынікі падліку, праведзенага AFP.

Каб спыніць распаўсюд вірусу, некаторыя краіны ўвялі абавязковую для выкананьня забарону на выхад з хаты, у той час як іншыя абмежаваліся рэкамэндацыямі.

Прынамсі 34 краіны і тэрыторыі ўвялі абавязковае прадпісаньне заставацца дома, якое распаўсюджваецца прыкладна на 659 мільёнаў чалавек.

Пандэмія каранавірусу ў Беларусі і ў сьвеце. Як разьвіваюцца падзеі

Сярод іх Францыя, Італія, Аргентына, амэрыканскі штат Каліфорнія, Ірак і Руанда. Апошняй краінай, якая ўстанавіла абавязковыя патрабаваньні знаходзіцца дома, стала Грэцыя. Новыя правілы ўступілі ў сілу ў панядзелак раніцай.

Калюмбія ўводзіць абавязковую забарона на выхад з дому з аўторка, а Новая Зэляндыя — з серады.

У большасці выпадкаў людзі ўсё ж могуць выходзіць з дому, каб пайсьці на працу, купіць прадметы першай неабходнасьці або зьвярнуцца па мэдычную дапамогу.

Прынамсі чатыры краіны з агульным насельніцтвам больш 228 мільёнаў чалавек, у тым ліку Іран, Нямеччына і Вялікабрытаніюя настойліва заклікалі жыхароў заставацца ў закрытых памяшканьнях і максымальна абмежаваць кантакты зь іншымі людзьмі.

Аднак эфэкт ад гэтых неабавязковых рэкамэндацый быў абмежаваным.

Урад Вялікай Брытаніі папярэдзіў пра ўзмацненьне жорсткасьці мераў пасьля таго, як натоўпы людзей сабраліся ў парках і на пляжах ў мінулыя выходныя. Тым часам, мільёны людзей у Іране адправіліся ў паездкі, каб адзначыць пэрсыдзкі Новы год на мінулым тыдні.

Сама меней 10 краін і тэрыторый з агульным насельніцтвам 117 мільёнаў чалавек увялі камэнданцкую гадзіну і забаранілі начныя паездкі.

Такія меры прыняты ў Буркіна-Фасо, Чылі, сталіцы Філіпін Маніле, Сэрбіі і Маўрытаніі. Сірыя уводзіць камэнданцкую гадзіну зь вечару панядзелка.

Некаторыя краіны ўвялі меры па ізаляцыі асноўных гарадоў, забараніўшы людзям уязджаць або выязджаць зь іх.

Такія рашэньні прынятыя ў дачыненьні да Алматы і Нур-Султана ў Казахстане і Баку ў Азэрбайджане. Агулам у гэтых гарадах пражываюць каля 10 мільёнаў чалавек.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG