Лінкі ўнівэрсальнага доступу

Пляменьнік Пуціна, былы супрацоўнік ФСБ, стварае ўласную партыю


Раман Пуцін
Раман Пуцін

Стрыечны пляменьнік прэзыдэнта Расеі, былы супрацоўнік ФСБ, прадпрымальнік Раман Пуцін зьбіраецца стварыць партыю на базе руху «Людзі справы», які аб’ядноўвае прадстаўнікоў бізнэсу.

Яе асноўная задача — прайсьці на выбары ў Дзярждуму, сам Раман Пуцін таксама мае намер у іх удзельнічаць. Пра гэта паведамляе «Коммерсант».

Раман Пуцін называе будучую партыю «правакансэрватыўным праектам», у задачы якога ўваходзіць абарона інтарэсаў прадпрымальнікаў.

Да канца вясны плянуецца правесьці ўстаноўчы зьезд. Раман Пуцін адзначыў, што фінансаваньнем партыі будзе займацца сам.

Раман Пуцін — сын стрыечнага брата прэзыдэнта Ігара Пуціна, які ўваходзіў у рады дырэктараў «АвтоВАЗбанка», «Мастер-банка», «Промышленного сберегательного банка» і «Русского земельного банка». Ва ўсіх гэтых банкаў былі адкліканыя ліцэнзіі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG