Нягледзячы на скептычны настрой аналітыкаў, якія прагназуюць новы абвал цэнаў на нафту, 20 сакавіка асноўныя яе гатункі пачалі прадавацца з павышэньнем.
Так, цана травеньскіх ф’ючэрсаў на барэль нафты Brent вырасла на 3,6% — да 29,5 даляраў. Цана на WTI падрасла яшчэ мацней — на 5,25% да 27,3 даляра за барэль. У папярэднія дні цэны на гэтыя маркі складалі на мінімуме 25 і 20,5 даляра адпаведна.
Абвал цэнаў на нафту адбыўся ў пачатку сакавіку ў сувязі з развалам картэльнай угоды OPEC і наступствамі пандэміі каранавірусу. Экспэрты рынку характарызуюць тое, што цяпер адбываецца, як цэнавую вайну паміж Расеяй і Саудаўскай Арабіяй.
Нафтавыя трэйдэры прагназуюць далейшы абвал цэнаў на нафту. Паводле іх прагнозу, у агляднай пэрспэктыве цэны ўпадуць ніжэй за 20 даляраў за барэль.
