Такую заяву расейскага прэзыдэнта цытуе агенцтва «Новости». Заява была зробленая на сустрэчы з «прадстаўнікамі грамадзкасьці» ў Сэвастопалі ў анэксаваным Расеяй Крыме.
Пуцін адказваў на пытаньне, чаму паміж Крымам і Беларусьсю няма транспартных зносін, і патлумачыў гэта пазыцыяй Аляксандра Лукашэнкі.
«Ня стаўце прэзыдэнта Беларусі ў складанае становішча. Ён хоча выбудоўваць адносіны такія добрасуседзкія з Украінай, думаю, у гэтым уся рэч, а не ў эканамічнай мэтазгоднасьці або ў адсутнасьці такой для перавозчыкаў – у гэтым уся рэч», – сказаў расейскі прэзыдэнт.
