Лінкі ўнівэрсальнага доступу

«Белавія» скарачае рэйсы ў Мілян і адмовілася ад рэйсаў у Ашгабат — праз каранавірус


«Каранавірус нікому нічога добрага не зрабіў, у тым ліку авіябізнэсу», — кажа генэральны дырэктар «Белавія» ў маркетынгу Ігар Чаргінец.

Расейскія перавозьнікі «Победа» і S7 уводзяць паслугу звароту ўсіх квіткоў бяз штрафаў на ўсе паездкі. У даведачнай службе беларускай кампаніі «Белавія» кажуць, што вяртаюць квіткі паводле ранейшай схемы.

Намесьнік генэральнага дырэктара «Белавія» ў маркетынгу і замежнаэканамічнай дзейнасьці Ігар Чаргінец сказаў карэспандэнту Свабоды, што авіякампанія рэагуе на сытуацыю з каранавірусам.

«Мы рэагуем на гэты выклік, глядзім, што адбываецца. Мы крыху скарацілі частату выкананьня палётаў у Мілян, адмянілі цяпер вось рэйсы ў Ашхабад. Пакуль іншых такіх рашэньняў няма, — сказаў Ігар Чаргінец. — Безумоўна, каранавірус не дадаў кампаніям даходаў і прыбытку. Каранавірус нікому нічога добрага не зрабіў, у тым ліку авіябізнэсу», — сказаў ён.

Паводле ацэнак, усясьветная грамадзянская авіяцыя тэарэтычна можа страціць мільярды даляраў.

«Колькі гэта складае цяпер для канкрэтнай авіякампаніі, для канкрэтнай авіялініі, напэўна, ніводная авіякампанія пакуль сказаць ня можа», — сказаў Ігар Чаргінец.

Што трэба ведаць пра новы каранавірус з Кітаю

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

22 новыя адказы пра каранавірус ад Сусьветнай арганізацыі здароўя, мэдычных аўтарытэтаў і з найлепшай практыкі

Колькі чалавек з каранавірусам памерлі ў Беларусі

Пакуль вядома пра шэсьць выпадкаў сьмерці пацыентаў, інфікаваных новым каранавірусам (Мінздароўя, нагадаем, паведамляе пра 4 пацьверджаныя выпадкі).

  1. 73-гадовая пэнсыянэрка Аляксандра Чэпік, памерла ўвечары 30 сакавіка ў Віцебскім абласным клінічным спэцыялізаваным цэнтры (ВАКСЦ, былы чыгуначны шпіталь).​
  2. 75-гадовы актор Драматычнага тэатра імя Якуба Коласа Віктар Дашкевіч, памёр у ноч з 30 на 31 сакавіка ў ВАКСЦ.
  3. 70-гадовая настаўніца зь вёскі Новыя Доктаравічы (Менская вобласьць) Натальля А., памерла 1 красавіка ў Капыльскай цэнтральнай раённай бальніцы.
  4. 70-гадовы вайсковы пэнсіянэр Уладзімер Сідараў, памёр 2 красавіка ў ВАКСЦ.​
  5. 67-гадовая Вольга Дзеравянка, памерла 1 красавіка ў 2-й гарадзкой клінічнай лякарні Менску.
  6. 60-гадовы мянчук памёр у сталічным інфэкцыйным шпіталі 3 красавіка.

Пашырэньне каранавірусу ў сьвеце. Гадзіна за гадзінай

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG