Лінкі ўнівэрсальнага доступу

БДУ зьнізіў плату за навучаньне, але не нашмат


Галоўны корпус Беларускага дзяржаўнага ўнівэрсытэту на плошчы Незалежнасьці
Галоўны корпус Беларускага дзяржаўнага ўнівэрсытэту на плошчы Незалежнасьці

Беларускі дзяржаўны ўнівэрсытэт пайшоў на беспрэцэдэнтны крок — зьнізіў плату за навучаньне. Здарылася гэта праз два тыдні пасьля таго, як цэньнік быў чарговым разам падняты, што выклікала абурэньне з боку студэнтаў і іх бацькоў.

Згодна з указам рэктара расцэнкі мусілі падвысіцца, пачынаючы ад 1 сакавіка. Аднак 27 лютага выйшаў новы ўказ, які зьніжае кошт навучаньня. Плаціць давядзецца больш, чым у першым сэмэстры, але меней, чым меркавалася першапачаткова.

Як тлумачыцца ў дакумэнце, рашэньне прынятае ў сувязі «са зьменамі ўмоваў аплаты працы работнікаў бюджэтных арганізацый». Папярэдні ўказ павяліваў суму ў сярэднім на 12%.

Паводле новага распараджэньня, кошт навучаньня на мэхмате складзе 3 293 рубля, а не 3 420, як закладалася адпачатку. На першых трох курсах факультэту прыкладной матэматыкі і інфарматыкі — 3 684 рублі замест 3 760, фізфаку і хімфаку — 3 293 рублі замест 3 420, эканамічнага факультэту — 4 424 рубля замест 4 460, журфаку — 4 006 рублёў замест 4 180.

Дагэтуль цэны за навучаньне ў БДУ выключна расьлі, апошні раз яны карэктаваліся 1 верасьня 2019 году.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG