Лінкі ўнівэрсальнага доступу

Каранавірус: Першы выпадак пацьверджаны ў Літве


Памежны слуп, Літва

Першы выпадак новага каранавірусу (COVID-19) быў зарэгістраваны сёньня ў Літве. Вынікі тэстаў пацьвердзілі заражэньне пацыенткі, якая вярнулася з італьянскай Вэроны 24 лютага, паведамляе Міністэрства аховы здароўя Літоўскай Рэспублікі.

Пацыентка, 39-гадовая жанчына, ізаляваная ў шпіталі ў горадзе Шаўляй. У яе слабыя сымптомы, няма тэмпэратуры. За здароўем жанчыны назіралі ад моманту яе вяртаньня ў Літву, гэтак жа, як і за іншымі, хто вярталіся з пацярпелых раёнаў. У шпіталі таксама трое членаў сям’і інфікаванай жанчыны, у іх пакуль сымптомаў каранавірусу няма.

Паводле віцэ-міністра аховы здароўя, каардынатара Нацыянальнага цэнтру апэратыўных дзеяньняў пры Міністэрстве аховы здароўя Альгерда Шэшэлгіса, асноўнай задачай цяпер зьяўляецца недапушчэньне распаўсюджваньня вірусу.

«Прыкладаюцца ўсе намаганьні, каб як мага хутчэй выявіць усіх тых, хто кантактаваў з заражаным чалавекам. Гэта дазволіць прымяніць меры прафіляктыкі і прадухіліць далейшае распаўсюджваньне інфэкцыі. Са свайго боку я прашу людзей не панікаваць, прытрымлівацца афіцыйнай інфармацыі і прымаць стандартныя меры па зьніжэньні распаўсюджваньня хваробы», — кажа Шэшэлгіс.

Міністэрства аховы здароўя паведамляе, што ніякіх аналізаў і адмысловых захадаў не патрабуецца, калі чалавек ня езьдзіў у краіны, якія пацярпелі ад COVID-19, калі не было кантакту з падазраваным або пацьверджаным выпадкам COVID-19 і калі няма сымптомаў, падобных на грып, характэрнага для хваробы самаадчуваньня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG