Лінкі ўнівэрсальнага доступу

На Данбасе баевікі атакавалі ўкраінскую армію зь мінамётаў, ёсьць страты


Каля лініі фронту, ілюстрацыйнае фота

Баявікі, якіх падтрымлівае Расея, зранку 18 лютага атакавалі пазыцыі ўкраінскай арміі ў раёне Залатога ў Луганскай вобласьці Ўкраіны, паведамляе штаб украінскай ваеннай апэрацыі Аб'яднаных сілаў.

Абстрэл прычыніў страты ўкраінскім войскам, але колькасьць пацярпелых не называюць, перадае ўкраінская служба Свабоды.

У штабе адзначаюць, што атака праводзілася з забароненых паводле менскіх пагадненьняў 120-мілімэтровых мінамётаў, а таксама гранатамётаў і кулямётаў вялікіх калібраў. Страляюць блізу населеных пунктаў Наваташкоўскае, Арэхавае, Крымскае і Хутар Вольны.

Украінскія вайскоўцы, як сьцьвярджаецца, «даюць адэкватны адказ».

Кіраўніцтва так званай «ЛНР» у сваю чаргу абвінавачвае ўкраінскае войска ў абстрэлах Голубеўкі, Данецкага, Сьмелага і Сакольнікаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG