Лінкі ўнівэрсальнага доступу

За акцыю супраць «паглыбленай інтэграцыі» Кастусёва пакаралі штрафам 810 рублёў


Старшыня Партыі БНФ Рыгор Кастусёў

10 лютага суд Шклоўскага раёну разгледзеў справу лідэра Партыі БНФ Рыгора Кастусёва.

За ўдзел у акцыі супраць «паглыбленай інтэграцыі» у Менску летась 20 сьнежня судзьдзя Сьвятлана Баранцава пакарала палітыка штрафам у памеры 810 рублёў.

Як удакладніў Свабодзе Рыгор Кастусёў, працэс пачаўся яшчэ ў мінулым годзе 28 сьнежня, але некалькі разоў пераносіўся праз адсутнасьць сьведкаў. Партыйны функцыянэр спадзяваўся, што, як і ў выпадку зь Вячаславам Сіўчыкам, справа будзе спыненая за тэрмінам даўнасьці правапарушэньня.

Аднак гэтым разам была наладжаная скайп-сувязь зь Менскам. Міліцыянты-сьведкі пацьвердзілі, што бачылі абвінавачанага падчас несанкцыянаванай акцыі, удзельнікі якой былі папярэджаныя пра яе незаконнасьць. Вырак суду — 30 базавых велічыняў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG