Лінкі ўнівэрсальнага доступу

У Гомлі забаранілі акцыю пратэсту супраць забароны акцыяў пратэсту


Актывіст з Гомеля Мікалай Пяшко, 2017 год

Гомельскі гарвыканкам забараніў акцыю пратэсту, бо арганізатар не пазначыў у заяўцы свой нумар тэлефона, расказвае «Гомельская вясна».

Акцыя пратэсту супраць забароны мірных сходаў мела прайсьці 9 лютага ў цэнтры Гомлі, ля ўнівэрмагу «Гомель». Як растлумачыў першы намесьнік старшыні гарвыканкаму Віталій Атаманчук, арганізатар акцыі мусіў узяць на сябе захады ў «забесьпячэньні грамадзкага парадку», але не пакінуў кантактны тэлефон у заяўцы.

Сам арганізатар Мікалай Пяшко расказаў, што цяпер зьбіраецца адстойваць права на мірны сход і мірнае волевыяўленьне ў судзе.

Ён адзначае, што ў паўмільённым горадзе вызначылі толькі тры месцы для масавых мерапрыемстваў, і два зь іх — у лесапалосах на ўскраінах гораду.

«Мы вырашылі пратэставаць там, дзе нас маглі б пачуць гараджане, аднак нават на пратэст супраць забароны сходаў мы атрымалі забарону, — кажа Пяшко. — На свабоду мірных сходаў і выказваньня меркаваньняў у горадзе ўведзенае фактычнае табу».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG