Лінкі ўнівэрсальнага доступу

Туркмэністан будуе новы горад з нуля. Праект курыруе сын прэзыдэнта


Сэрдар Бэрдымухамэдаў

Прэзыдэнт Туркмэністану Гурбангулы Бэрдымухамэдаў вылучыў паўтара мільярда даляраў на імпарт матэрыялаў для праекта, які курыруе яго сын.

Туркмэністан закупіць за мяжой абсталяваньне і матэрыялы агульным коштам паўтара мільярда даляраў для будаўніцтва новага горада з нуля, паведаміў у аўторак урад гэтай цэнтральнаазіяцкай краіны. Праект курыруе сын прэзыдэнта Бэрдымухамэдава.

38-гадовы Сэрдар Бэрдымухамэдаў, адзіны сын прэзыдэнта, якога некаторыя назіральнікі лічаць патэнцыйным пераемнікам кіраўніка дзяржавы, стаў кіраўніком Ахалскага велаята (вобласьці), якому яго бацька даручыў пабудаваць новы адміністрацыйны цэнтр рэгіёну.

На гэтым тыдні прэзыдэнт Бэрдымухамэдаў падпісаў указ аб выдзяленьні сродкаў для імпарту будаўнічых матэрыялаў, абсталяваньня і іншых прадметаў для новага горада, які пакуль нават не атрымаў назвы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG