Лінкі ўнівэрсальнага доступу

Не каранавірус: шпіталізаваным у Магілёве беларусам паставілі дыягназ


Ілюстрацыйнае фота
Ілюстрацыйнае фота

У шпіталізаваных у Магілёве траіх людзей з падазрэньнем на кітайскі каранавірус лябараторна выявілі дакладны дыягназ. І гэта не каранавірус, распавяла Tut.by прэс-сакратарка Міністэрства аховы здароўя Беларусі Юлія Барадун.

Паводле Юліі Барадун, каранавірус у Магілёве не пацьверджаны.

29 студзеня ў Магілёве з падазрэньнем на каранавірусную інфэкцыю шпіталізавалі дваіх жыхароў Магілёва, якія адпачывалі непадалёк ад узьбярэжжа Кітаю на астравах і вярталіся ў Беларусь зь перасадкай у Кітаі. Яны адчулі недамаганьне і зьвярнуліся да мэдыкаў.

Пазьней стала вядома, што яшчэ адзін жыхар Магілёва, які вярнуўся з Кітая, таксама зьвярнуўся да лекараў. 28 студзеня з падазрэньнем на каранавірус пад Менскам шпіталізавалі дальнабойніка, які нядаўна вярнуўся з Кітая. Апасеньні таксама не пацьвердзіліся.

Што трэба ведаць пра новы каранавірус з Кітаю

  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

Найважнейшыя пытаньні і адказы пра каранавірус

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG