Ля ўзьбярэжжа Аб’яднаных Арабскіх Эміратаў, прыкладна за 35 кілямэтраў ад Шарджа, на борце нафтавага танкера ўвечары 29 студзеня ўспыхнуў маштабны пажар, паведамляе Reuters.
У Фэдэральным упраўленьні транспарту ААЭ заявілі, што працуюць над ліквідацыяй пажару на судне. Пазьней Фэдэральнае ўпраўленьне транспарту паведаміла, што танкер ня быў загружаны нафтай, а папярэдняй прычынай аварыі назвалі памылку пры ажыцьцяўленьні тэхнічнага абслугоўваньня судна. Экіпаж і маракоў уратавалі, піша Reuters.
Паводле зьвестак спэцыялізаванага марскога парталу FleetMon, пажар узнік на танкеры VLCC ZOYA 1, які эксплуатуе кампанія з ААЭ.