Лінкі ўнівэрсальнага доступу

The Insider: Лаўроў мае нерухомасьць на 120 гадоў заробку расейскага міністра


Сяргей Лаўроў

Выканаўца абавязкаў міністра замежных спраў Расеі Сяргей Лаўроў валодае нерухомасьцю, ацэначным коштам каля 600 мільёнаў расейскіх рублёў (амаль 10 мільёнаў даляраў), — піша выданьне The Insider. Гэта — істотна вышэй за ягоныя даходы. Калі ён купляў яе па рынкавых цэнах, на гэта б не хапіла заробкаў міністра за 120 гадоў.

Лаўроў 16 гадоў узначальвае Міністэрства замежных спраў Расеі. Паводле The Insider, чыноўніку належыць трохпавярховы асабняк плошчай 499 квадратных мэтраў з участкам у вёсцы Жукаўка на Рублёва-Ўсьпенскай шашы. Там раней былі дзяржаўныя дачы, а цяпер гэта адзін з самых дарагія раёнаў Падмаскоўя. Паводле ацэнкі The Insider, дом можа каштаваць больш за 300 мільёнаў рублёў.

Выданьне таксама выявіла ў чыноўніка кватэру плошчай 247 квадратных мэтраў у доме ў самым цэнтры Масквы. Яго рынкавы кошт выданьне таксама ацаніла на 300 мільёнаў рублёў. Кватэру падарыла дачка Лаўрова, якая атрымала яе па абмене жыльля з папярэднім уладальнікам — ахоўнікам у прыватнай ахоўнай фірме. Дачцэ тады было 25 гадоў, бізнэсам яна не займалася, паведамляе выданьне.

Раней сёньня расейскае сеціўнае выданьне «Адкрытыя мэдыя» паведаміла, што сямʼі прэмʼер-міністра Расеі Міхаіла Мішусьціна належыць зямля ў Падмаскоўі і пяць дамоў агульным коштам больш як паўтара мільярда рублёў (больш за 24 мільёны даляраў). Плошча зямельных участкаў у пяць разоў большая, чым задэкляраваў чыноўнік, а агульны кошт нерухомасьці большы, чым задэкляраваны даход сямʼі чыноўніка ад 2010 году.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG