Лінкі ўнівэрсальнага доступу

Генпракуратура накіравала ў суд справу былога намесьніка сакратара Савету бясьпекі Ўцюрына


Андрэй Уцюрын, здымак 6 лютага 2019

Генэральная пракуратура вывучыла і накіравала ў Вярхоўны суд для вызначэньня падсуднасьці крымінальную справу ў адносінах васьмі службовых асобаў дзяржаўных органаў і банкаў і васьмі прадстаўнікоў камэрцыйных структураў за зьдзяйсьненьне злачынстваў супраць інтарэсаў службы, прадугледжаных артыкуламі 430 і 431 Крымінальнага кодэксау, піша БелаПАН.

За што абвінавачваюць? За атрыманьне і даваньне хабару падчас паставак у Рэспубліку Беларусь тэлекамунікацыйнага абсталяваньня, кампутэрнай тэхнікі і праграмнага забесьпячэньня.

Падчас сьледзтва да 12 абвінавачаных прымененая мера стрыманьня ў выглядзе заключэньня пад варту, у дачыненьні да іншых абраныя дамашні арышт, заклад, падпіска аб нявыезьдзе і належных паводзінах. Выкарыстаныя меры стрыманьня пракурор пакінуў без зьмен.

Крымінальная справа знаходзілася ў вытворчасьці сьледчага ўпраўленьня Камітэта дзяржаўнай бясьпекі.

2 сьнежня 2019 года КДБ паведаміў аб завяршэньні папярэдняга расьсьледаваньня крымінальнай справы па шматлікіх фактах атрыманьня і даваньня хабару падчас паставак у Беларусь тэлекамунікацыйнага абсталяваньня, кампутэрнай тэхнікі і праграмнага забесьпячэньня.

Паводле інфармацыі КДБ, фігурантамі справы зьяўляюцца 16 чалавек, у тым ліку былы намесьнік дзяржаўнага сакратара Савета бясьпекі Беларусі Андрэй Уцюрын. Ён абвінавачваецца ў атрыманьні хабару не менш як на 190 тысяч даляраў ЗША і падбухторваньні да даваньня хабару.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG