Лінкі ўнівэрсальнага доступу

У Горадні затрымалі яшчэ аднаго ўдзельніка акцыі за незалежнасьць Беларусі. ВІДЭА

абноўлена

Сяргей Верамеенка (справа), падчас акцыі за незалежнасьць 15 сьнежня
Сяргей Верамеенка (справа), падчас акцыі за незалежнасьць 15 сьнежня

Сябра Беларускай хрысьціянскай дэмакратыі з Горадні Сяргея Верамеенку затрымалі ў жывым эфіры каля 11.10 20 сьнежня.

Абноўлена 18:22: Верамеенку аштрафавалі на 765 рублёў, цяпер ён знаходзіцца на волі, піша праваабарончы цэнтар «Вясна».

Верамеенка вёў відэатрансляцыю ў «Фэйсбуку». На відэа чуваць, што ён спрабуе выехаць на працу з хаты. Пад домам Верамеенкаў стаяў белы аўтобус. Адтуль выйшлі супрацоўнікі міліцыі ў цывільным і папрасілі Верамеенку «праехаць зь імі».

«Вядзецца адміністрацыйны працэс з нагоды ўдзелу ў несанкцыянаваным мерапрыемстве 15 сьнежня», — паведаміў чалавек, які назваўся супрацоўнікам міліцыі.

Затрыманага павезьлі ў РАУС Ленінскага раёну Горадні. Верамеенка ўдзельнічаў у ланцугу за незалежнасьць на мосьце ў Горадні.


Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG