Гэта быў адзін з галоўных пунктаў перадвыбарнай праграмы прэзыдэнта Ўладзіміра Зяленскага і ягонай партыі «Слуга народа». Як абяцаў прэзыдэнт Украіны, закон дасьць магчымасьць лягчэй заводзіць крымінальныя справы на дэпутатаў, калі яны абвінавачваюцца ў карупцыі.
Ніводнага голасу ў падтрымку законапраекта не было ад фракцый «Эўрапейская салідарнасьць», «Бацькаўшчына» і «Голас».
Закон выключае з артыкулу 80 Канстытуцыі Украіны норму аб тым, што народным дэпутатам Украіны «гарантуецца дэпутацкая недатыкальнасьць».
Таксама з Канстытуцыі выключаная норма аб тым, што народныя дэпутаты «ня могуць быць бяз згоды Вярхоўнай Рады Ўкраіны прыцягнутыя да крымінальнай адказнасьці, затрыманыя або арыштаваныя».
