Лінкі ўнівэрсальнага доступу

Трэці дзень не пускаюць адваката да арыштаванага назіральніка, які здымаў падлік галасоў


Пётра Маркелаў

Да Пятра Маркелава, якога арыштавалі за відэаздымку падліку галасоў на выбарчым участку ў Менску, не пускаюць адваката.

У турме на менскім завулку Акрэсьціна кожны раз кажуць, што ўсе памяшканьні для сустрэч занятыя.

«Адвакатка ў 10.30 прыйшла ў турму на Акрэсьціна, і зноў „занятыя кабінэты“. Напісала ў кнігу заўваг. Чакае далей», — паведаміла Свабодзе праваабаронца Вікторыя Фёдарава з арганізацыі «Прававая ініцыятыва».

Апошнія зьвесткі ад Маркелава былі 12 сьнежня. Тады ягоная маці расказала Свабодзе, што сына трымаюць у кепскіх умовах — у камэры вошы і смурод. Маркелаў той раз прасіў, каб адвакат нешта з гэтым зрабіў.

Падчас парлямэнцкіх выбараў Маркелаў быў даверанай асобай кандыдата ад «Моладзевага блёку» Стаса Шашка. У дзень галасаваньня ён назіраў за галасаваньнем і падлікам бюлетэняў на ўчастку.

Літоўская дэпутатка Аўшрыне Арманайце 11 сьнежня напісала амбасадзе Беларусі ліст пратэсту супраць арышту Маркелава. Яна заклікала беларускія ўлады не чыніць перашкодаў самым яскравым і ідэйным прадстаўнікам моладзі.

«Моладзевы блёк» заклікаў дасылаць Маркелаву лісты салідарнасьці на адрас 1-ы завулак Акрэсьціна, 36, Менск.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG