СК пра фільм Deutsche Welle: «Пакуль ня можам пракамэнтаваць, займаемся гэтым»

Алесь Пілецкі

16 сьнежань 2019, 18:14

У Генэральнай пракуратуры паведамілі, што справа аб зьнікненьні Ганчара, Красоўскага і Захаранкі не закрытая, таму ведамства ня можа рэагаваць на новыя факты, бо справай займаецца Сьледчы камітэт.

16 сьнежня Deutsche Welle апублікавала фільм-расьсьледаваньне аб зьнікненьні лідэраў беларускай апазыцыі ў канцы 90-х гадоў. Сэнсацыйным стаў удзел у ім чалавека па імені Юры Гараўскі, які назваў сябе адным з выканаўцаў забойства Віктара Ганчара, Юрыя Захаранкі і Анатоля Красоўскага. На відэазапісе Гараўскі сьцьвярджае, што ў 1999 годзе меў 18 гадоў і зьяўляўся байцом атраду міліцыі хуткага рэагаваньня. Паводле яго, разам зь некалькімі саслужыўцамі пад камандаваньнем Дзьмітрыя Паўлічэнкі ён удзельнічаў у выкраданьні і забойстве апазыцыянэраў.

ГЛЯДЗІЦЕ ТАКСАМА:

«Нямецкая хваля»: былы спэцназавец МУС Беларусі прызнаўся ў забойствах апазыцыянэраў

Свабода зьвярнулася па камэнтар у Сьледчы камітэт, які займаецца расьсьледаваньнем справы аб зьніклых палітыках. Афіцыйная прадстаўніца ведамства Юлія Ганчарова паведаміла, што ў Сьледчым камітэце ўжо ведаюць пра зьяўленьне фільма і новых сьведчаньняў.

«Пакуль мы ў стадыі высьвятленьня, — паведаміла Юлія Ганчарова. — Калі інфармацыя будзе падрыхтаваная, мы яе апублікуем».

Былая база СОБРА, дзе меркавана забілі Красоўскага і Ганчара. ФОТАГАЛЕРЭЯ

Схема, на якой пазначаныя меркаваныя месцы забойства і пахаваньня<strong> </strong>Віктара Ганчара і  Анатоля Красоўскага, паводле сьведчаньняў Юрыя Гараўскага — 1/20 Схема, на якой пазначаныя меркаваныя месцы забойства і пахаваньня Віктара Ганчара і Анатоля Красоўскага, паводле сьведчаньняў Юрыя Гараўскага

Закансэрваваная вайсковая база за 5 кілямэтраў ад Бегамлі, дзе базаваўся СОБР. Там, паводле Юрыя Гараўскага, забілі Віктара Ганчара і Анатоля Красоўскага. Там жа<strong> </strong>закапалі іх целы, а таксама іхны джып. Фота з дрону — 2/20 Закансэрваваная вайсковая база за 5 кілямэтраў ад Бегамлі, дзе базаваўся СОБР. Там, паводле Юрыя Гараўскага, забілі Віктара Ганчара і Анатоля Красоўскага. Там жа закапалі іх целы, а таксама іхны джып. Фота з дрону

Як мы даведаліся, 5 гадоў таму аб‘ект плошчай 2 на 3 кілямэтры выкупіў бізнэсовец Дзьмітры Пятровіч (прозьвішча ён адмовіўся называць) — 3/20 Як мы даведаліся, 5 гадоў таму аб‘ект плошчай 2 на 3 кілямэтры выкупіў бізнэсовец Дзьмітры Пятровіч (прозьвішча ён адмовіўся называць)

4/20 Уласьнік, які зьбіраецца запусьціць тут драўнінную вытворчасьць, сказаў Свабодзе, што на ягонай тэрыторыі няма аб’ектаў, пра якія згадваецца ў сьведчаньнях Гараўскага. Аднак мапы, якія ён прадэманстраваў у відэа DW, сьведчаць пра адваротнае

5/20 Карэспандэнты Свабоды дабраліся да былой базы СОБРА. Тэрыторыя агароджаная 2-мэтровым плотам, на старым КПП сядзіць ахоўнік

6/20 2-мэтровая агароджа вакол былой базы

7/20 Задні ўваход на тэрыторыю закансэрваванай вайсковай базы

Усярэдзіну нашых журналістаў не прапусьцілі. Аднак у рэдакцыю Свабоды трапілі фота з тэрыторыі. На іх — дакладныя месцы, дзе, паводле Гараўскага, адбывалася меркаванае злачынства — 8/20 Усярэдзіну нашых журналістаў не прапусьцілі. Аднак у рэдакцыю Свабоды трапілі фота з тэрыторыі. На іх — дакладныя месцы, дзе, паводле Гараўскага, адбывалася меркаванае злачынства

10/20 Месца меркаванага забойства Віктара Ганчара і Анатоля Красоўскага

12/20 Месца, дзе была меркаваная яма, куды закапалі целы забітых

13/20 Закінуты будынак на тэрыторыі вайсковай базы

У Генэральнай пракуратуры Свабодзе паведамілі, што рэагаваць на новыя факты, агучаныя ў апублікаваным нямецкімі журналістамі фільме, можа Сьледчы камітэт. Гэта абумоўлена тым, што справа аб зьнікненьні Ганчара, Захаранкі і Красоўскага па-ранейшаму расьсьледуецца.

«Справа не закрытая, яна расьсьледуецца, — паведаміў прадстаўнік Генэральнай пракуратуры Дзьмітры Брылёў. — Уся новая інфармацыя, у тым ліку публікацыі ў СМІ, сьледчаму цікавыя. Яны могуць быць разгледжаныя. Пазыцыю наконт гэтага павінен фармаваць Сьледчы камітэт».

МУС на гэты момант для камэнтароў пакуль недасяжнае.