41-гадовы Юры Гараўскі, які назваў сябе байцом беларускага «эскадрону сьмерці» і расказаў пра свой удзел у выкраданьні і забойстве праціўнікаў Аляксандра Лукашэнкі 20 гадоў таму, апісаў месца меркаванага забойства былога віцэ-сьпікера Вярхоўнага Савету Віктара Ганчара і ягонага сябра бізнэсоўца Анатоля Красоўскага. Глядзіце, як выглядае гэтае месца цяпер.
Гараўскі сьцьвярджае, што 19 верасьня 1999 году ён удзельнічаў у выкраданьні і забойстве Ганчара і Красоўскага. Апошніх нібыта застрэліў тагачасны камандзір СОБРу Дзьмітры Паўлічэнка (ён адхіляе ўсе абвінавачваньні). Адбылося гэта на на закансэрваванай вайсковай базе за 5 кілямэтраў ад Бегамлі, дзе базаваўся СОБР. Тамсама, па ягоных словах, і закапалі целы апанэнтаў Лукашэнкі ды іхны джып.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў